Fond Pensioni Profesional, përfaqëson dëshirën e Punëdhënësit, privat ose shtetëror për të siguruar punonjësit e tij me pension vullnetar në një Fond Pensioni Profesional.
Fondi profesional mund të jetë në dy opsione:

• Fond Profesional Vetëm i Punëdhënësit
• Fond Profesional i Përbashkët Punëdhënës-Punëmarrës

Përpos përfitimit që punëdhënësi dhe punëmarrësi kanë nga ana financiare, përfshirja e punëmarrësit në skemën profesionale nga punëdhënësi është një mënyrë vlerësimi  dhe stimulimi për besnikërinë e punëmarrësit.

Fondi i Pensionit Vullnetar Individual, përfaqëson dëshirën e individit për të marrë pjesë në një fond pensioni nëpërmjet kontratës individuale të anëtarësimit, pavarësisht nga vendndodhja, mosha dhe masa e kontributit.
Mënyrat e depozitimit të kontributeve janë të larmishme:

• Depozitim i menjëhershëm ( kursime, depozita, etj)
• Depozitim periodik (mujor, 3 mujor, 6 mujor, vjeçar ose sipas dëshirës së anëtarit)

Individi mund të kontribuojë sipas mundësive financiare dhe nuk ka detyrim të njoftojë shoqërinë administruese në rast të ndryshimeve në masën e kontributeve   dhe afateve të depozitimit të tyre.

Në vitin 2007, SIGAL sh.a dhe UNIQA Group Austria nënshkruan një marrëveshje, duke e kthyer atë në aksionerin më të madh dhe që zotëron 86.9% të aksioneve. UNIQA numëron mbi 20 mijë punonjës, 10.1 milionë klientëve, 33 miliardë euro në asete dhe mbi 7 miliardë euro prime në vit.
Ky partneritet i shkëlqyer e rendit sot SIGAL UGA, si kompaninë më të suksesshme, më të madhe dhe më të besuar në sigurimet Jo Jetë dhe Jetë, i vlerësuar si i tillë nga rrjeti i klientëve dhe partnerëve të saj.